Почитувани,
Со особена чест и задоволство Ве покануваме да бидете дел од
Петтиот меѓународен конгрес на медицински сестри,
кој ќе се одржи од 2 до 4 октомври 2026 година,
во хотел „Дрим“ во Струга, Република Северна Македонија.
Овогодинешниот конгрес се организира под мотото „Грижа за оние кои се грижат за сите“, со кое се истакнува значењето на грижата за здравјето, благосостојбата и професионалната поддршка на медицинските сестри, медицинските техничари и акушерките – професионалци кои секојдневно се грижат за здравјето и животот на пациентите и претставуваат незаменлив столб на здравствениот систем.
Настанот ќе обедини медицински сестри, медицински техничари и акушерки од земјата и странство, создавајќи можност за стручна дискусија, размена на искуства, презентација на современи и иновативни практики, како и воспоставување нови професионални соработки и партнерства.
Посебна вредност на овогодинешната програма претставува одржувањето на Третиот меѓународен настан - Самит на сестрински здруженија, асоцијации и федерации, со што конгресот дополнително го зацврстува својот меѓународен карактер, углед и значење како платформа за регионална и меѓународна соработка.
Во рамките на свечените активности ќе биде врачена и Повелбата и одликувањето од прв ред „Славјанка Влахчева“, признание што традиционално им се доделува на поединци кои со својата долгогодишна работа, професионалност и посветеност оставиле значаен придонес во развојот, унапредувањето и афирмацијата на сестринската професија.
Организатор на конгресот е ЗМСТАС „ЗА НАС“ на Македонија, предводен од Сојузот на ЗМСТАС на Македонија, кој и оваа година со висок професионализам, посветеност и одговорност ја организира оваа престижна меѓународна стручна манифестација.
Ги покануваме сите заинтересирани учесници кои сакаат активно да се вклучат во програмата преку усно излагање или презентација на стручен труд, да достават апстракт со максимална должина до 250 зборови на електронската адреса aplikacija@zanas.mk, најдоцна до 15 јули 2026 година.
Доколку се појават технички потешкотии при испраќањето на електронската пошта, апстрактите може да се достават и на адресата zanas.zmsta@gmail.com.
Веруваме дека и ова издание на конгресот ќе донесе нови идеи, ќе поттикне успешни професионални партнерства и ќе даде значаен придонес кон понатамошниот развој и унапредување на сестринската практика.
Со нетрпение го очекуваме Вашето присуство и заеднички да придонесеме кон создавање на посилно, попрепознатливо и поуспешно сестринство.
*****
Dear Colleagues,
It is our great honor and pleasure to invite you to participate in the
5th International Congress of Nurses,
which will take place from 2 to 4 October 2026
at Hotel "Drim" in Struga, Republic of North Macedonia.
This year's Congress is organized under the motto "Caring for Those Who Care for Everyone", emphasizing the importance of safeguarding the health, well-being, and professional support of nurses, nursing technicians, and midwives—healthcare professionals who dedicate themselves every day to caring for patients and who represent an indispensable pillar of the healthcare system.
The Congress will bring together nurses, nursing technicians, and midwives from the country and abroad, providing an excellent platform for professional discussion, exchange of knowledge and experience, presentation of contemporary and innovative practices, as well as the establishment of new professional collaborations and partnerships.
A special highlight of this year's program will be the Third International Summit of Nursing Associations, Organizations, and Federations, further strengthening the Congress's international character, reputation, and significance as a platform for regional and international cooperation.
As part of the official ceremony, the "Slavjanka Vlahcheva" First-Class Charter and Decoration will be awarded. This distinguished recognition is traditionally presented to individuals whose long-standing dedication, professionalism, and outstanding contributions have significantly advanced, promoted, and strengthened the nursing profession.
The Congress is organized by the Association of Nurses, Technicians and Midwives "ZA NAS" of Macedonia, under the leadership of the Union of Associations of Nurses, Technicians and Midwives of Macedonia, which once again demonstrates exceptional professionalism, commitment, and responsibility in organizing this prestigious international professional event.
We warmly invite all interested participants who wish to actively contribute to the scientific program through an oral presentation or professional paper to submit an abstract of up to 250 words to aplikacija@zanas.mk no later than 15 July 2026.
Should you experience any technical difficulties when sending your submission,
abstracts may also be sent to zanas.zmsta@gmail.com.
We believe that this edition of the Congress will inspire new ideas, foster successful professional partnerships, and make a valuable contribution to the continued advancement of nursing practice.
We sincerely look forward to welcoming you to Struga and to working together towards a stronger, more recognizable, and more successful nursing profession.