Хуманитарниот караван „Ивона Пешевска“, реализиран во рамки на активностите на Унијата на ЗМСТАС предводена од ЗМСТАС „ЗА НАС“, денеска ја посети Универзитетската клиника „Свети Наум Охридски“, каде беше остварена средба со медицинските сестри од Ургентниот центар.
Посетата имаше за цел да се истакне значењето на меѓусебната поддршка, почитта и професионалната солидарност меѓу медицинските сестри, како и да се изрази благодарност за нивната секојдневна посветеност, одговорност и хуманост во грижата за пациентите.
Унијата на ЗМСТАС предводена од ЗМСТАС „ЗА НАС“ упатува искрена благодарност до сите медицински сестри од Ургентниот центар, како и до раководството и вработените на УК „Свети Наум Охридски“, за топлиот прием, отвореноста и поддршката на хуманитарната иницијатива.
Унијата на ЗМСТАС предводена од ЗМСТАС „ЗА НАС“ останува доследна на својата определба за континуирана поддршка, јакнење на единството и унапредување на положбата на медицинските сестри.