Во рамки на активностите на Хуманитарниот караван „Ивона Пешевска“, денеска беше реализирана посета на Ургентниот центар при ГОБ „8-ми Септември“. Настанот се одржа во организација на Унијата на ЗМСТАС предводена од ЗМСТАС „ЗА НАС“, со цел унапредување на единството, меѓусебната поддршка и професионалната солидарност меѓу медицинските сестри.
Во текот на средбата беше испратена јасна порака за значењето на заедништвото, обединетиот професионален глас и потребата од континуирана поддршка и почит кон медицинската сестринска професија.
Унијата на ЗМСТАС предводена од ЗМСТАС „ЗА НАС“ упати искрена благодарност до целиот тим на медицински сестри од Ургентниот центар, како и до главната медицинска сестра на Ургентниот центар, Алма Авдиќ, и главната медицинска сестра на ГОБ „8-ми Септември“, Милка Карајановска, за нивната отвореност, соработка и поддршка.
Унијата на ЗМСТАС предводена од ЗМСТАС „ЗА НАС“ останува цврсто посветена на зајакнување на единството меѓу медицинските сестри, со уверување дека само преку заедничко дејствување може да се постигне напредок и подобрување на условите за работа во професијата.