УНИЈАТА СО РЕАКЦИЈА ДО СИНДИКАТОТ

  • 28.5.2020
  • Новости, Настани
Почитувани членови, Унијата на ЗМСТАС предводена од Здружението на медицински сестри, техничари, акушерки и стоматолошки сестри „За нас“ ве известува дека по многубројните ваши пораки во врска со објавите на министерот за здравство, г-динот Венко Филипче, за износот на платите на медицинските сестри, достави реакција до претседателот на самостојниот синдикат за здравство, фармација и социјала, д-р Љубиша Каранфиловски.
 
Имено, на официјалниот сајт на актуелниот министер за здравство беа објавени графикони на кои е прикажана бруто платата на медицинските сестри во износ од 50 376 денари со висока стручна спрема, односно 38 182 денари со средна стручна спрема.
 
Ова се износи кои не се релевантен податок бидејќи голем дел од сестринската професија не ја зема посочената бруто плата. Нашата реакција е директно насочена кон синдикатот кој не застапува и бараме јавно да ги образложи објавените износи, врз основа на кој колективен договор се истите добиени? Незадоволството кај сестринската професија е големо и бараме точност на податоците.
 
Со почит
Извршен одбор
на ЗМСТАС „ЗА НАС“
 





Подготвил:
Даниел Стојмановски
Лице за односи со јавноста и комуникација со медиуми

Пребарување

Категории

Актуелно

Актуелно
БЕШЛИОВСКА: МЕДИЦИНСКИТЕ СЕСТРИ БОГ ГИ СТВОРИЛ ДА БИДАТ СИЛНИ ВО ТЕШКИ ВРЕМИЊА
14.1.2021
Возовите одат и доаѓаат, но луѓето во нив не се исти. Уште една медицинска сестра, наша колешка, пријателка, другарка, пример за помладите и учител на професијата, го даде својот живот за професионалноста и многу ќе недостасува.
Види детали

Тагови

Архива на вести