СЕ ОДРЖА И ВТОРАТА ТРИБИНА ВО СКОПЈЕ: ОТВОРЕНО СО СЕСТРИНСТВОТО ЗА СЕСТРИНСКАТА ДЕЈНОСТ

Почитувани, на 24 јануари 2024 година, во ЈЗУ ГОБ „8ми Септември“ - Скопје се одржа и втората трибина на тема „ОТВОРЕНО СО СЕСТРИНСТВОТО ЗА СЕСТРИНСКАТА ДЕЈНОСТво организација на Унијата на ЗМСТАС предводена од Здружението на медицински сестри, техничари, акушерки и стоматолошки сестри „ЗА НАС“.



На наше огромно задоволство и овој пат со нас беше д-р Злате Мехмедовиќ, Национален координатор за реформи во примарната здравствена заштита кој ја отвори трибината со предавање на тема: „Човечки ресурси во здравствениот систем со посебен осврт на медицинските сестри - техничари, акушерки и стоматолошки сестри“.



Претставникот на Светската Здравствена Организација м-р Симона Атанасова, истотака се обрати кон присутните презентирајќи ја својата тема: „Поддршката на СЗО за развојот на сестринската професија во Р. С. Македонија“



Како дел од панелистите  беше и 
м-р Гордана Бешлиовска, Претседател на Унијата на ЗМСТАС и ЗМСТАС „ЗА НАС“, како и учесниците во работните групи за изготвување на Законот за сестринска дејност: м-р Јулијана Маџовска, Претседател на Друштвото за историјатот на сестринската професија при ЗМСТАС „ЗА НАС“; Ирена Нечевска, дип. мед. тех., Претседател и координатор на ЗМСТА „Славјанка Влахчева“ при Унијата на ЗМСТАС и Ленче Донева, дип. мед. тех., Член на извршниот одбор при ЗМСТАС „ЗА НАС“.


 

„Дојдовме во момент кога конечно Законот е дојден на јавна расправа и се надеваме дека наскоро истиот ќе влезе во собраниска процедура. Во овој момент сакам да се заблагодарам на истрајноста на целото сестринство, а особено на луѓето кои се дел од организацискиот и извршниот одбор на здружението бидејќи навистина посветеноста и сплотеноста не доведоа до тука. Знаете дека веќе седма година како активно придонесуваме да се чуе гласот на нашата професија, а донесувањето на Законот ќе ни овозможи конечно да го забрзаме целиот процес на унапредување и вреднување на сестринската професија во нашата земја. Голема благодарност и до нашите соработници, кои на овие трибини се дел од нашите дискусии и придонесуваат со своето искуство, знаење и кредибилитет да не насочат и да ни дадат мотив за истрајност.“ - изјави сестра Гордана Бешлиовска.


Настанот и овој пат го водеше Каролина Петковска, нашиот долгогодишен соработник и поддржувач на сестринската професија.



Третата трибина е најавена за 9ти февруари во Тетово, а останатите информаци ќе следат во наредните објави.


 
ОФИЦИЈАЛЕН СПОНЗОР НА СИТЕ НАСТАНИ

Пребарување

Категории

Актуелно

ПРОГРАМА: ВТОР СИМПОЗИУМ НА ДРУШТВОТО НА КАРДИОЛОШКИ СЕСТРИ ПРИ ЗМСТАС „ЗА НАС“
13.2.2024
Почитувани, во името на Унијата на ЗМСТАС предводена од ЗМСТАС „ЗА НАС“ со задоволство ве покануваме да присуствувате на ВТОРИОТ СИМПОЗИУМ НА КАРДИОЛОШКИ СЕСТРИ, кој ќе се одржи на 22.02.2024 година (четврток) во Големата општинска сала во Велес, со почеток од 14 часот.
Види детали

Тагови

Архива на вести