Со особена чест и задоволство Ве покануваме да земете активно учество на Четвртиот меѓународен конгрес на медицински сестри, кој традиционално ќе се одржи од 3 до 5 октомври 2025 година во хотел „Дрим“ во Струга.
Годинешното мото на конгресот е:
„Со образование до влијание. Медицинските сестри – двигатели за промени!“
Оваа тема го нагласува значењето на континуираното професионално усовршување и улогата на медицинските сестри како лидери и носители на позитивни промени во здравствениот систем и општеството.
***
Конгресот претставува значаен меѓународен настан, кој нуди уникатна можност за размена на искуства, знаења и примери на добра пракса меѓу медицински сестри, техничари и акушерки од земјата и регионот.
Особено сме горди што оваа година, во рамки на конгресот, ќе се одржи и Регионалната конференција на Европската организација на специјализирани медицински сестри (ЕСНО) – уште едно признание за важноста и квалитетот на нашиот собир.
Традиционално, ќе биде доделена и Повелбата и одликувањето од прв ред „Славјанка Влахчева“, признание за исклучителен придонес во развојот и афирмацијата на сестринската професија.
Организатор на настанот е Унијата на Здруженија на медицински сестри, техничари, акушерки и стоматолошки сестри на Македонија (ЗМСТАС), предводена од ЗМСТАС „За Нас“, кои и оваа година со голема посветеност го подготвуваат овој значаен професионален собир.
👉 Рокот за испраќање на апстракт за активно учество со сопствена презентација или стручна тема е продолжен до 10 август 2025 година.
Апстрактите (до 250 зборови) се испраќаат на: aplikacija@zanas.mk
📌 Доколку имате технички проблем при праќањето на е-пошта, апстрактите можете да ги испратите и на: zanas.zmsta@gmail.com
Очекуваме инспиративни презентации, нови соработки и заеднички чекори кон напредок на сестринската професија.
📢 Наскоро ќе бидете информирани и за цените и начинот на резервација за учество на конгресот.
Вашето присуство е од големо значење за зацврстување на нашата заедничка мисија – посилно, повидливо и повлијателно сестринство!