ОДБЕЛЕЖАН ЈУБИЛЕЈОТ ПО ПОВОД 35 ГОДИШНИНАТА ОД ПОСТОЕЊЕТО НА ВИСОКАТА МЕДИЦИНСКА ШКОЛА - БИТОЛА

Вчера беше обележан јубијелот по повод 35 години од постоењето на Високата медицинска школа во Битола. Настанот го отвори директорката на ВМШ - проф. д-р Тања Јовановска со благодарност до сите здравствени професионалци, студенти на Високата, како и актуелни и пензионирани професори.



Говор одржа и ректорот на Универзитет “Св. Климент Охридски” - Битола кој ја истакна важноста на оваа членка на Универзитетот.


 
Се доделија благодарници за долгогодишна соработка со разни институции, како и свечено доделување на дипломи на студентите од втор циклус специјалистички студии.



Здружението на медицински сестри, техничари, акушерки и стоматолошки сестри „ЗА НАС“ беше добитник на една од благодарниците во име на добрата соработка, промоција и допринос кон сестринската професија во нашата земја.



Свое обраќање имаше и сестра Гордана Бешлиовска, претседател на Унијата и ЗМСТАС „ЗА НАС“:

„Ми претставуваше особено задоволство што бев дел од овој прекрасен настан. Најпрво како студент од школата во првата генерација студенти бидејќи ми е гордост што сум дипломец на ВМШ - Битола, а потоа и како претседател на Унијата и ЗМСТАС „ЗА НАС“, добивајќи јавно признание и благодарност за сите активности кои ги правиме изминативе години.

Нека е  честит 35 годишниот јубилеј на Високата медицинска школа - Битола! Благодарение на директорката проф. д-р.Тања Јовановска и на нејзиниот успешен тим знам дека сме во исчекување на уште многу успешни студенти преку кои создаваат светла иднина за здравствените професионалци.“