Оваа година, најголемото признание оди кај најголемите срца!
Медицинските сестри на Македонија — ова е за вас.
За сите оние моменти кога вашата грижа беше првата светлина на новиот ден.
За секоја прегратка со зборовите "ќе биде добро".
За секој напор, за секоја ноќна смена, за секој чекор направен во името на животот.
По трагичниот настан во Кочани, видовме нешто што никогаш нема да го заборавиме:
без повик, без команда, без размислување — сите вие дојдовте.
Сите заедно. Со срце, со солзи во очите, но со непоколеблива сила.
Таа солидарност. Таа емпатија. Таа хуманост.
Тоа е сестринството. Тоа е повик, не само професија.
Затоа годинава, Унијата на ЗМСТАС предводена од ЗМСТАС „За Нас“,
во рамките на чествувањето на „Меѓународната недела на сестринството“ реши:
Признанието за најхуманата медицинска сестра да биде за сите нас.
За секоја сестра.
За целото сестринство.
Ова е чест за сите ваши непишани херојства.
Ова е благодарност за секоја скриена борба што ја водите.
Ова е аплауз за вашата сила, за вашата грижа, за вашата љубов.
Од сестрите — за сестрите.
Од срцето — за срцата.
Од човечноста — за човештвото.
Денес си даваме чест.
Денес си даваме аплауз.
Денес се гордееме едни со други.
#СестритеСеГордост #ХуманостВоАкција #ОдСестритеЗаСестрите #СестритеСеСила