ДЕНОВИ НА ЕДУКАЦИЈА - ЛОЗНИЦА 2023

  • 29.11.2023
  • Новости, Настани
Почитувани членови ве известуваме дека Здружението на здравствени работници од Лозница, чиј претседател е Раденка Ќирковиќ, која воедно е долги години главна медицинска сестра на болницата Лозница, а сега главна сестра на интерното одделение на таа установа, беше домаќин на професионалните здруженија од сите земји од Балканотм големиот настан „Денови на едукација“ во чиј склоп беа организирани конгрес и конференција на медицинските сестри од целиот Балкан.

Овој собир го организираше Балканското здружение на медицински сестри, каде учествуваа и повеќе од 30 предавачи од различни области во медицината. 

Покрај теоретските предавања, колеги и професори од Македонија, д-р Тасе Трпчевски и Надица Нешковска од Болница „Плодност“ презентираа видеа од гинеколошка операција и породување во када.


Меѓу нашите преставници, во тим од 12 учесници, беше и претседателката на Унијата предводена од ЗМСТАС „ЗА НАС“, м-р Гордана Бешлиовска која активно учествуваше во деновите на едукација со свое поздравно обраќање и тема. 

“Искажуваме голема благодарност за прекрасниот дочек и одличната организација во текот на овие денови на едукација. Заинтересираноста за работилниците од овој тип кои се организираат во целиот регион покажуваат дека ние, медицинските сестри сме подготвени и желни за унапредување на нашата професија.“



Здружението на итни медицински техничари од Сараево, заедно со колегите од Итната помош во Лозница, изведоа вежба за обезбедување на кардиопулмонална реанимација. Позицијата на медицинските сестри во институциите, нивната важност, условите во кои работат, нивното образование и обука, беа само дел од темите на овој собир кој се одржа во прекрасна и незаборавна атмосфера. 


Балканските сестри, учесници на овој голем собир, заеднички засадија дрво во Лозница, со поддршка на градската власт, во знак на сеќавање на нивната работа и дружба.

Незаборавно беше предавањето на прекрасниот загрепски новинар, социолог, правник, теолог и филозоф Влада Чутура, голем експерт за здравство, кој зборуваше за важноста на комуникацијата меѓу здравствениот персонал и пациентите.




 

Пребарување

Категории

Актуелно

Актуелно
СО ПРЕДВИДЕНИТЕ ВРАБОТУВАЊА НА 300 ДОКТОРИ, ЕВРОПСКИТЕ СТАНДАРДИ ПРЕДВИДУВААТ ОД 600 ДО 900 НОВИ ВРАБОТУВАЊА НА МЕДИЦИНСКИТЕ СЕСТРИ
26.7.2024
По вчерашната објава на министерот Таравари дека oваа година во буџетот ќе се предвидат нови вработувања за 300 доктори, напоменуваме дека според светските здравствени стандарди императивно ќе биде потребно и вработување на нови 600 до 900 медицински сестри и техничари, согласно законскиот сооднос 1:3.
Види детали

Тагови

Архива на вести