РАБОТИЛНИЦИ НА СЗО: ЗАЈАКНУВАЊЕ НА ОБРАЗОВАНИЕТО И ПРОФЕСИЈАТА НА МЕДИЦИНСКИТЕ СЕСТРИ

  • 30.6.2023
  • Новости, Настани
Почитувани членови ве известуваме дека Светската здравствена организација во текот на оваа недела, започнувајќи од 26ти јуни па се до 29ти јуни, одржа работилници на тема „Зајакнување на образованието и професијата на медицинските сестри во Р. С. Македонија“.



Унијата на ЗМСТАС предводена од Здружението на медицински сестри, техничари, акушерки и стоматолошки сестри „ЗА НАС“ по покана на СЗО беше дел од овие настани и даде свој придонес при формирањето на стратегии и цели за трансформација на сестринската професија во нашата земја.



Настанот беше воден од страна на д-р Мери Бојд, декан на факултетот за сестринство и акушерство при Кралскиот колеџ за хирурзи на Ирска; Маргриета Лангинс и Рос Брајан, советници за политки за сестринство и акушерство при СЗО Европа и Дејан Добершек, претседател на професионалната групација на медицински сестри на раководни позиции и главен медицински техничар на Клиниката за неврологија при Универзитетскиот клинички центар во Љубљана, Словенија.