СЕ ОДРЖА ГОДИШНОТО СОБРАНИЕ НА УНИЈАТА НА МЕДИЦИНСКИ СЕСТРИ ВО Р.МАКЕДОНИЈА

Викендов, на 15-ти декември се одржа редовното годишно собрание на Унијата на медицински сестри, техничари, акушерки и стоматолошки сестри предводени од ЗМСТАС - ЗА НАС.

Годишното собрание го отвори претседателот, сестра Горданка Бешлиовска со говор кон присутното членство, соработниците и добронамерниците на сестринската фела.

Кратко обраќање имаа и претседателите на здруженијата од Унијата: Џеват Салија, Ирена Нечевска и Ивица Билбилоски.



По кратката презентација која ги сублимираше сите активности на здружението од изминатава година и важните датуми за сестринската професија како 17 мај 2017 - ден на формирањето на ЗМСТАС - ЗА НАС и 13 декември 2017 - Потпишувањето на декларацијата за формирање на комора од над 5000 медицински сестри, акцентот беше ставен на главните проблематики со кои се соочува сестринството.
„Ова е само мал дел од сето она што и е потребно на сестринската фела за да можеме да кажеме дека ние сестрите си го вративме достоинството на нашата професија. Министерот ни вети промена во Законот за здравствена заштита, и сите предлози кои нашето здружение ги подготви и ги достави на увид ќе бидат земени во предвид. Како и пред една година, 5000-то членство на оваа Унија сеуште бара официјална и транспарентно овластена комора која ќе ги штити нивните права во иднина. Членството на Унијата е трпеливо но, не за долго. Затоа јавно го повикуваме министерот да се изјасни по прашањата кои ја засегаат сестринската фела.“ - изјави претседателот на Унијата, сестра Горданка Бешлиовска.

На годишното собрание присуствуваа и голем број на еминентни доктори, професори и личности од јавниот свет во Р.Македонија.

 
 

Пребарување

Категории

Актуелно

БЕШЛИОВСКА: МЕДИЦИНСКИТЕ СЕСТРИ БОГ ГИ СТВОРИЛ ДА БИДАТ СИЛНИ ВО ТЕШКИ ВРЕМИЊА
14.1.2021
Возовите одат и доаѓаат, но луѓето во нив не се исти. Уште една медицинска сестра, наша колешка, пријателка, другарка, пример за помладите и учител на професијата, го даде својот живот за професионалноста и многу ќе недостасува.
Види детали

Тагови

Архива на вести