СТРУГА ДЕНЕС ВО ЗНАКОТ НА ПРЕВЕНЦИЈАТА: МЕДИЦИНСКИТЕ СЕСТРИ СО ХУМАНИТАРНА АКЦИЈА ЗА ГРАЃАНИТЕ

Почитувани, во пресрет на V Јубилејниот меѓународен конгрес на медицински сестри, кој од утре започнува во Струга со учество на претставници од повеќе земји, денеска ќе се реализира здравствено-превентивна и хуманитарна акција наменета за граѓаните на Струга.

Акцијата ќе започне во 12:00 часот, кај мостот на Црн Дрим, а ќе ја реализираат ЗМСТАС „ЗА НАС“, во соработка со Црвениот крст – Струга, медицинските сестри од Општата болница – Струга, СОУ „Нико Нестор“ и медицински сестри – членки на Сојузот.

Во рамки на акцијата, граѓаните ќе имаат можност за бесплатно мерење на крвен притисок и гликемија, како и за здравствено-едукативни разговори со медицински професионалци.

Со оваа иницијатива, сакаме да испратиме порака за значењето на превенцијата, здравите навики и навремената контрола на здравствената состојба, но и да покажеме дека големиот меѓународен настан носи конкретна вредност и за локалната заедница.

Додека Струга деновиве ќе биде домаќин на медицински сестри и професионални претставници од повеќе земји, денешната акција ќе биде можност меѓународното присуство да се претвори во директна поддршка и контакт со граѓаните.

Пребарување

Категории

Актуелно

ЧЕСТИТКИ ЗА ИЗБОРОТ НА НОВОТО РАКОВОДСТВО НА ЛЕКАРСКАТА КОМОРА
12.11.2026
Сојузот на здруженија на медицински сестри, техничари, акушерки и стоматолошки сестри, предводен од ЗМСТАС „ЗА НАС“ – Македонија, упатува искрени честитки до проф. д-р Никола Јанкуловски за изборот за претседател на Лекарската комора, до д-р Идриз Орана за изборот за заменик-претседател, како и до новоизбраните потпретседатели д-р Биљана Петковска
Види детали

Тагови

Архива на вести