Претставниците на ЗМСТАС „ЗА НАС“ зедоа активно учество на XII Конгрес на здружението на здравствени техничари од сите профили „ПУЛС“, кој се одржа во Коњиц, Босна и Херцеговина.
Делегацијата на ЗМСТАС „ЗА НАС“-Македонија имаше чест и привилегија професионално да го претстави македонското сестринство и здравствен сектор преку стручни предавања и постер-презентација. Со ова активно учество, здружението даде значаен придонес во размената на најновите знаења, практични искуства и современи професионални практики во областа на здравствената нега.
XII Конгрес на „ПУЛС“ уште еднаш се потврди како важна платформа за поврзување на медицинските сестри и здравствените работници од целиот регион. Настанот овозможи плодна дискусија, воспоставување нови професионални контакти и зајакнување на регионалната соработка со цел подобрување на квалитетот на здравствените услуги.
Упатуваме искрена благодарност до организаторите за топлото гостопримство, беспрекорната организација и можноста за конструктивно дружење со колегите.
ЗМСТАС „ЗА НАС“ упатува искрени честитки за успешно реализираниот конгрес до организацискиот одбор и претседателот на здружението „ПУЛС“, г-дин Мевлудин Бабајиќ.
Му посакуваме на здружението уште многу успешни конгреси во иднина, нови професионални достигнувања и уште поблиска меѓусебна соработка во години што доаѓаат.