Почитувани, по повод 10-годишниот јубилеј на Комората на здравствени работници на Косово, на покана од претседателката на Комората, г-ѓа Неџмије Гори, нашата Унија, предводена од Здружението „За нас“, активно учествуваше на свечената прослава и гала вечер која се одржа минатата недела во Приштина.
Делегацијата која ја предводеше м-р Гордана Бешлиовска, претседател на Унијата на ЗМСТАС, вклучуваше членови од ЗМСТАС „ЗА НАС“ и наши драги соработници од фелата како Наџије Фетаи, Стојанка Манасиевска, Алиса Абдулаи, Велдрина Фетаи и Илија Милошовски.
„Во знак на плодната соработка, имав чест и задоволство да се обратам и да го честитам јубилејот на Комората, испраќајќи сериозен повик до нашите здравствени структури за понатамошно усогласување на регулативите и унапредување на нашето тело - Комората.
Во текот на настанот имавме и можност да се сретнеме со претседатели на европски асоцијации и комори, со кои разменивме искуства и ги информиравме за нашите активности планирани за оваа година.“ - истакна сестра Бешлиовска, претседател на Унијата и ЗМСТАС „ЗА НАС“.
По повод овој значаен настан, Комората ни додели статуетки како признание за нашата посветеност и заложби.
Се надеваме дека овој јубилеј ќе продолжи да ја зацврстува соработката меѓу сите здравствени професионалци и институции во регионот, со цел заеднички да ги унапредуваме условите за работа и здравјето на нашите граѓани.
Флора Фејзулаху Ејупи, УКЦ за Хематологија
Претседателката на Комората на Албанија - Блерина Дука
