Почитувани, продолжува хуманитарниот караван на „ЗМСТАС ЗА-НАС“ - Сестрите за сестрите!
Хуманитарното друштво „Ивона Пешевска“, дел од Унијата на здруженија при „ЗМСТАС ЗА-НАС“, заедно со познатиот токсиколог д-р Нико Беќароски, вчера реализираше уште една успешна активност во соработка со медицинските сестри и техничари од Брзата помош при „Здравствен дом - Тетово“.
Со оваа иницијатива, повторно се истакнува значењето на медицинските професионалци кои несебично се посветени на здравјето и благосостојбата на граѓаните.
Особена благодарност упатуваме кон: Директорот на „Здравствен дом Тетово“, д-р Јоанникис Константинополус, Дипломираниот медицински техничар Марјан Серафимовски, Специјалист медицинска сестра Рената Ајети, како и кон сите колеги и колешки од тимовите во службата за нивната посветеност и поддршка.
„Гордост сте за сите нас!“ – истакнаа од Унијата, нагласувајќи дека со вакви заеднички напори се стремиме кон подобри времиња за сите.
Иницијативата „ЗМСТАС ЗА-НАС“ продолжува, носејќи хуманост и поддршка во секој град низ Македонија.
