На 4 октомври 2025 година, во Струга, во рамки на Регионалната ESNO конференција, беше усвоен документ што ќе остане запишан како историски момент за сестринството во нашата земја – ОХРИДСКАТА ДЕКЛАРАЦИЈА.
Оваа декларација ја потврдува непроценливата улога на медицинските сестри во здравјето и благосостојбата на поединците, семејствата и заедниците, и поставува јасна визија за иднината на професијата – силна, регулирана и признаена!
.jpg)
Декларацијата повикува на:
-
Воспоставување сеопфатна законска и регулаторна рамка што ќе го признае сестринството како автономна и стручна професија;
-
Јасно дефинирање и заштита на сестринските улоги и стандарди на работа, во согласност со европските директиви;
-
Создавање патишта за специјализација, професионален развој и лидерство, како и активно вклучување на сестрите во процесите на одлучување на сите нивоа во здравствениот систем.
Со оваа декларација, Северна Македонија го прави првиот голем чекор кон модерно, европско сестринство, што ќе биде темел на праведна, ефикасна и одржлива здравствена заштита.
Време е за признавање, регулација и инвестирање во иднината на сестринството.
Ова не е само декларација – ова е движење, визија и ветување за иднината на здравството во нашата земја.