Почитувани членови,
Ве известуваме дека нашето здружение „ЗМСТАС ЗА НАС“ присуствуваше на Конгресот на здружението PULS кој се одржа во Босна и Херцеговина. Настанот беше збогатен со богата програма и собра голем број еминентни стручњаци од регионот и Европа, посветени на унапредувањето на сестринската професија, мултидисциплинарниот пристап кон пациентите и претставувањето на современите достигнувања во областа на анестезиологијата, интензивната и палијативната нега.
Особено значаен дел од Конгресот беше панел-дискусијата на тема:
„Положбата на медицинските сестри во светло на напредокот на образованието – Образованието како двигател на промените“, модерирана од доц. д-р. сц. Адриано Фригановиќ, претседател на HDMSARIST и ESNO (European Specialist Nurses Organisations).
Панелисти беа: д-р. сц. Сенада Џебо, Зорица Кардош, Елизабета Настевска, Гордана Драгoшев, Љиљана Стијеповиќ и Марина Ахметбеговиќ. Панелот овозможи прикажување на актуелната состојба и дискусија за потребите и насоките за идни промени во сестринската професија.
Конгресната програма вклучи и предавања, работилници и постер-презентации од областа на интензивната нега, ургентните состојби, палijативната медицина, етичките аспекти на трансплантацијата, безбедноста на пациентите, како и предизвиците со кои се соочуваат медицинските сестри во современото здравство.
Присуството на нашиот тим на овој значаен настан овозможи остварување на нови контакти, размена на искуства и стекнување на вредни знаења, кои ќе придонесат кон професионалниот развој на нашите членови и унапредување на работата на здружението.
Изразуваме искрена благодарност за прекрасната организација и гостопримството од страна на здружението PULS и за пријатната атмосфера создадена од сите учесници.
