Почитувани членови,
Ве известуваме дека вчера, во просториите на Здружението „ЗМСТАС ЗА НАС“, имавме особена чест да го пречекаме заменик-министерот за здравство, г-дин Јовица Андовски.
За време на средбата, г-динот Андовски беше запознаен со активностите кои здружението ги реализира во континуитет, со нашите досегашни постигнувања, како и со плановите што ги подготвуваме за претстојниот Конгрес. Тој ја изрази својата поддршка и признание за вложениот труд, нагласувајќи ја важноста на ваквите иницијативи за унапредување на професијата и за јакнење на професионалните капацитети.
Посетата ја сметаме за особено значајна, бидејќи претставува потврда за институционалната соработка и поддршка што ја добиваме од Министерството за здравство. Истовремено, оваа средба ни претставува мотив и охрабрување да продолжиме со посветена работа на остварување на нашите цели, подигање на професионалните стандарди и застапување на интересите на нашите членови.
Убедени сме дека заедничките напори и соработката со релевантните институции ќе придонесат за создавање подобри услови за професионален развој, како и за унапредување на здравствениот систем во целина.
