ЗМСТАС „ЗА НАС“ ДЕЛ ОД РАБОТИЛНИЦАТА НА СЗО: ЗАЈАКНУВАЊЕ НА ПОЛОЖБАТА НА ЗАЕДНИЦИТЕ ПРИ ИТНИ ЗДРАВСТВЕНИ СЛУЧАИ

Пандемијата на Ковид-19 покажа дека заедниците и граѓанскиот сектор, заедно со здравствените работници се во срцето на ефективните и ефикасни одговори во случај на итни здравствени состојби. Вклучувањето на заедниците, градењето доверба и овозможувањето тие да учествуваат во одлуките што ги засегаат нивните животи се клучни за подготвеноста, одговорот и опоравувањето од кризата.

За да се зајакнат овие напори, СЗО одржа дводневна работилница на тема Комуникација на ризици, со вклучување на заедниците и управување со инфодемија (RCCE-IM), на 2 и 3 декември 2024 во Скопје.

Овој настан ги обедини здравствените работници, граѓанските организации, невладините организации и меѓународните партнери во споделувањето искуства, дискусии за предизвиците и идентификување конкретни чекори за подобрување на одговорите во случај на идни итни здравствени состојби на локално ниво.



Работилницата вклучуваше интерактивни сесии каде што учесниците  учеа за алатките и техниките на #СЗО за вклучување на заедниците, справување со колебливоста за вакцинација, промовирање на имунизацијата и други форми на подготвеност за време на здравствени и други кризи. Дискусиите ги продлабочија научените лекции од пандемијата со Ковид-19 и ја утврдија улогата на маргинализираните заедници во итни здравствени состојби.

Министерството за здравство, Институтот за јавно здравје, Центрите за јавно здравје, претставниците на граѓанскиот сектор, Црвениот крст и професионалните здруженија, меѓу кои и Унијата на ЗМСТАС предводена од ЗМСТАС „ЗА НАС“, претставена од нашиот претседател, м-р Гордана Бешлиовска, и нашите членови медицинските сестри Емилија Наумовска, Наташа Павловска и Силвана Блажевска, кои ги споделија своите гледишта за успесите, начините на работа и предизвиците со кои се соочуваат во текот на активностите за вклучување на заедниците во нивната работа.

„Оваа работилница, финансиски поддржана од Европската унија, е многу повеќе од обичен состанок – таа е можност за градење врски, зајакнување на партнерствата и создавање посилна основа за здравствено управување фокусирано на заедниците.
Со здружени сили, не само што можеме да го подобриме опфатот на вакцинацијата, туку и да обезбедиме соодветна подготвеност на заедниците да се соочат со идните здравствени и други итни случаи.“ – посочија од Светската Здравствена Организација.