РАБОТНА ПОСЕТА ВО СЛОВЕНИЈА: Прогрес на едукација на медицински сестри и акушерки и воспоставување на систем за признавање на стручни квалификации во Република Северна Македонија (2024-2025)

Почитувани ве известуваме дека деновиве Унијата на ЗМСТАС предводена од Здружението „ЗА НАС“ е во работна посета во Љубљана, како дел од проектот „Прогрес на едукација на медицински сестри и акушерки и воспоставување на систем за признавање на стручни квалификации во Република Северна Македонија (2024-2025)“. 



Настанот е во организација на Министерството за здравство на нашата земја, Канцеларијата на СЗО во нашата земја, Министерството за здравство на Словенија, Комората на медицински сестри на Словенија и ЦЕП Словенија.





Претставникот на нашата делегација, м-р Гордана Бешлиовска, како претседател на Унијата и ЗМСТАС „ЗА НАС“ има можност да ги презентира сите наши стручни, едукативни и хуманитарни достигнувања, а воедно и паралелно просиндикално да ги испорача нашите цели и стратегии во однос на регулирањето на сестринската професија.
 

„Би сакала да искажам голема благодарност до Светската здравствена организација за стартувањето и вклучувањето во еден ваков проект кој што е од исклучителна важност за нашата професија. За заклучоците од оваа работна посета нашето членство ќе биде дополнително известено на работна средба каде ќе разговараме за целите и за нивното вклучување во работните групи, кои се потребни за прогресот на сестринството“ - изјави сестра Бешлиовска.