Почитувани, ве известуваме дека изминатиов викенд, во Ниш, се одржа 11от Конгрес со меѓународно учество на медицински сестри во организација на здружението на медицински сестри за интензивна нега, анестезија и реанимација во Србија „UINARS“.
Настанот под тема „Нови професионални перпективи“ беше подрржан од нашата Унијата на ЗМСТАС предводена од ЗМСТАС „ЗА НАС“, чија делегација ја предводеше Претседателот, м-р Гордана Бешлиовска, заедно со Илија Милошевски, член на извршниот одбор, Анита Велковска, Емилија Наумовска и Бети Гареска координатори и претседатели на друштвата при ЗМСТАС „ЗА НАС“.
„Задоволство ми е што имав можност да се обратам за сестринската состојба и во нашата земја, пред еден ваков голем аудиториум, и да понудам решенија во панел дискусиите. Особено ми е чест што овој пат можеме да ја истакнеме потврдатата за нашето членство на ЕСНО“ - истакна сестра Бешлиовска.
За време и на овој конгресот беа остварени средби со останатите асоцијации и здруженија од регионот и Европа.
Свое предавање на тема
„Кариерен развој на сестринската професија во Србија и светот“ имаше и Доц. Адриано Фригановиќ, Претседател на Европската организација на сестри специјалисти, Претседател на Хрватскиот национален сојуз на сестри и Престедател на Хрватското друштво на медицински сестри за анестезија, реанимација, интензивна нега и трансфузија.
