Почитувани членови и соработници, Здружението на медицински сестри, техничари, акушерки и стоматолошки сестри „ЗА НАС“ ве повикува да бидете дел од ВТОРИОТ КОНГРЕС СО МЕЃУНАРОДНО УЧЕСТВО на тема: „ЗДРАВСТВЕНАТА НЕГА – НАУЧНА ДИСЦИПЛИНА“.

Вториот Конгрес на медицинските сестри за прв пат се организира под закрилата на ЗМСТАС „ЗА НАС“ како рамноправна членка на Балканската Асоцијација на Медицински Сестри (БАМС) и истиот ќе се одржи во периодот од 13ти до 15ти октомври 2023 година, во хотел Дрим - Струга, С. Македонија.

Конгресот во форма на округли маси, плeнарни предавања и стручни соопштенија ќе го прикаже значењето на тимската работа и пристапувањето кон било кој проблем, како и имплементацијата на новите достигнувања и унапредени вештини, со преглед на сите проблеми и околности кои сме ги надминале за унапредување на нашата работа.

Со стручните теми, едукации и активности ќе се стремиме преку размена на искуствата во теорија и пракса да го подобриме квалитетот на здравствена нега.

***

За да учествувате со тема на Конгресот, потребно е да ни испратите апстракт од истата до 250 зборови на нашата електронска адреса (aplikacija@zanas.mk) заедно со уредно пополнетата Апликација (кликнете), најдоцна до 20ти јуни 2023 година.

ВАЖНИ ДАТУМИ:

20. 07. 2023
Краен рок за поднесување на Апстракт

30. 07. 2023
Известување за прифатена тема

01 - 08. 08. 2023
Второ читање

01 - 08. 09. 2023
Објава на Програмата на Конгресот

ПОНУДА ЗА СМЕСТУВАЊЕ

Пристигнувањето и регистрацијата за Конгресот ќе се одвива од 15 до 17 часот на 13ти октомври во хотелот „Дрим“.

Почетокот на отворањето на конгресот ќе започне во 18 часот, а при регистрацијата ќе добиете пакет материјали за конгресот, како и ваучер за свечената вечера.

Условите во Хотел „Дрим“ се следниве:
- 2 ноќевања полу-пансион (појадок и вечера), котизација, свечена вечера, материјали и
два кафе паузи со закуска – 150 € во денарска против вредност уплатени во хотелот.
- 1 ноќевање полупансион (појадок и вечера) котизација, свечена вечера, материјали и два
кафе паузи со закуска – 100 € во денарска против вредност уплатени во хотелот.
- Котизација, две кафе паузи со закуска и свечена вечера – 4000 денари уплатени директно на сметката на ЗМСТАС ЗА НАС Депонент: Шпаркасе Банка, Сметка: 250010301995109, или при самото пристигнување за регистрација. За оние кои ќе уплатат на сметката на здружението, ќе е потребно да ја приложат уплатницата при регистрацијата.

Резервациите треба да ги направите во директен контакт од хотелот „Дрим“:
Е-мејл адреса: - sales@drim.com.mk
Телефон: Климент (070347269) и Ана (072274730)

За сите резервации направени до 15-ти јули добивате 5% попуст.
За повеќе информации, контактирајте нѐ во секое време на мејл (kontakt@zanas.mk),
или на Вибер на 070-406-927.

Со почит,
ОРГАНИЗАЦИСКИ ОДБОР НА ВТОР КОНГРЕС
НА ЗМСТАС - ЗА НАС