УНИЈАТА ИНИЦИРА СОСТАНОК СО ССМ ЗА ЗГОЛЕМУВАЊЕ НА КОЕФИЦИЕНТИТЕ И ИМПЛЕМЕНТАЦИЈА НА ДОГОВОРИТЕ

Почитувани членови,

Ве известуваме дека во текот на утрешниот ден ќе се одржи состанок на претставниците на здруженија на здравствените работници, претставници на гранковиот синдикат за здравство, фармација и социјална заштита и претставници од министерството за здравство со дневен ред:

1. Барање за решение за покачување на коефициентите на здравствените работници со средна стручна спрема;

2. Барање за целосна имплементација на анекс договорот од јули 2021 година со кој е предвидено признавање на високото образование и соодветна систематизација во здравствените установи на здравствените работници кои имаат завршено високо образование до јули 2021;

3. Барање да се изнајде целосно и генерално решение за признавање на високото образование на сите здравствени работници кои дипломираат по јули 2021 година и

4. Барање за прогресивна систематизација за здравствените работници кои завршуваат специјализација.


Унијата на ЗМСТАС предводена од здружението „За нас“ и овој пат е иницијатор и медијатор на овој состанок со кој сака да поттикне изнаоѓање на соодветни долгорочни решенија кои се од круцијална важност за вреднувањето на трудот на здравствените работници, наспроти досегашните времени и импровизирани решенија кои се уште не се целосно имплементирани.

Пребарување

Категории

Актуелно

ДА БИДЕМЕ ЕДИНСТВЕНИ ВО ПРОФЕСИЈАТА: НЕ Е ВАЖНО КОГО СИ ПОБЕДИЛ, ТУКУ КОГО СИ ЗАШТИТИЛ!
25.11.2022
Универзален подарок за сите се медицинските сестри... но, се надевам дека еден ден ќе сфатиме дека не треба да сме марионети во служба на секој систем. Уморени, заборавени, само бројки броени и така цел работен век, се до пензија. Никогаш не вреднувани како што заслужуваме!
Види детали

Тагови

Архива на вести