УНИЈАТА ОСТВАРИ СРЕДБА СО АМБАСАДОРОТ НА ХРВАТСКА

Почитувани членови ве известуваме дека денеска во канцелариите на Хрватската амбасада во нашата земја се оствари средба помеѓу хрватската амбасадорка Нивес Тигањ и претседателката на Унијата на ЗМСТАС сестра Гордана Бешлиовска.

Поводот за средбата беше инициран од страна на Унијата предводена од здружението „За нас“ со цел да се остварат круцијални чекори во соработката со сестринството од Хрватска.

„Побаравме соработка со комората на медицински сестри во Хрватска и разговаравме за имплементација на препораките од СЗО, односно зголемена соработка со министерство за здравство, носење на закон за сестринството, подобрување на едукацијата... и се она што европската унија го налага и го спроведува кога е во прашање нашата професија. Се надеваме дека нашата денешна средба ќе резултира со успех за што дополнително ќе дадеме известување.“ - истакна претседателката на Унијата.