ВАЖНО: САМОПРОГЛАСЕНАТА КОМОРА Е ПРОТИВ ЗАКОНСКА

До сите членови на Унијата на ЗМСТАС
„Сплотеноста во Унијата Ве донесе до точна информираност, за правата и должностите на нашата професија, сè со цел да го вратиме достоинството на нашата професија. Со оглед на индивидуалните користољубиви активности, и сега чувствуваме должност да Ве известиме да не наседнувате на самопрогласената таканаречена комора која е против законски формирана.
 
сестра Горданка Бешлиовска, претседател на Унија на ЗМСТАС и ЗМСТАС - ЗА НАС
Одговорно Ве известуваме дека информациите за јавни овластувања се неточни. Сите наши обиди и контакти со Министерството за здравство треба за кратко време да завршат со краен договор за формирање на Комора по законските критериуми и форми. Комора која треба ние самите, сите заедно, да ја донесеме и која ќе треба да ги штити нашите права и да ги почитува нашите должности.
 
Ви прикажуваме аргументи за непостоење на Комора со јавни овластувања кои преку нашите правници и адвокати во Унијата се потврдени. Непостоење на адреса, непостоење на завршни сметки, и непостоење на членство за што Унијата ќе превземе мерки согласно законот. За Ваша информација, правен субјект Комора го сочинуваат Здруженија и никој не може да си земе за право на ваков начин да изнесува лаги и на тој начин да проба да Ве манипулира и донесе до заблуда.
 
Состанок со министерот за здравство
Министерството за здравство нема дадено никакви јавни овластувања за Комора на нас медицинските сестри, акушерките и стоматолошките сестри. Не наседнувајте на неофицијални покани од одредена група на клинички сестри. Нашата цел е професијата да ја градиме на силна законска основа со критериуми и по наша воља, како што ние, сите заедно од сите Здруженија, ќе избереме.
За Ваша информација, со ова се запознаени раководните структури на Министерството за здравство, а за гореспоменатите аргументи ќе бидете информирани и преку јавните гласила.
Заради честа и достоинството на нашата професија не дозволувајте да бидете манипулирани. Секогаш нашето единство да го крепиме на законски основи, како што доликува и како што тоа го прават сите наши колеги ширум регионот и Европа.“
 
Со огромна почит,
Извршните одбори на Здруженијата
од Унијата на медицински сестри, техничари, акушерки и стоматолошки сестри
 

Пребарување

Категории

Актуелно

БЕШЛИОВСКА: МЕДИЦИНСКИТЕ СЕСТРИ БОГ ГИ СТВОРИЛ ДА БИДАТ СИЛНИ ВО ТЕШКИ ВРЕМИЊА
14.1.2021
Возовите одат и доаѓаат, но луѓето во нив не се исти. Уште една медицинска сестра, наша колешка, пријателка, другарка, пример за помладите и учител на професијата, го даде својот живот за професионалноста и многу ќе недостасува.
Види детали

Тагови

Архива на вести